ESTUDANTES ESTAGIARIOS UNTL NAIN NEN HALA'O ESTÁGIO IHA RTP (RADIO TELEVISÃO DE PORTUGUESA)
Estudante nain nen ne'ebé hetan fiar husi União Europea, neébé durante fulan nen hala'o sira nia estudo iha Universidade Católica Portuguesa, estudante sira ne'e mak Juvito Soares do Santos, Felicia Maia, Teotónio Alves Pinto, Deonisio Corte-Real, Gracilda Santos no Delcia Pereira iha segunda feira foin lalais ne'e hahu hala'o sira nia estágio iha RTP atu aplika buat ne'ebé durante fulan nen sira aprende.
iha estagio ne´e fahe ba grupo tolu ne´ebé kompostu husi tekniku hasai fotográfia ka kamera man, tekniku ba reportagen, no tekniku ba edisaun son i imagen nian, estagiario sira ne'e komesa hala'o sira nia estágio iha segunda feira loron hirak liu ba, ne'e duni iha estagio ne'e chefe redasaun ba nutisiario RTP AFRICA nian Isabel Mota hateten katak maske estagiu ne'e ho durasaun loron lima nia laran deit, maibé ba estagiario sira bele aumenta tan loron rua hanesan iha loron sabado ho segunda feira, tamba aktividade ne´e intresante tebes. Iha sorin seluk estudante Gracilda Oliveira ho Teotonio Alves Pinto hateten katak sira sinte kontente maske sira iha difikuldade iha língua, maibe sira iha vontade nafatin atu kumpri sira nia dever durante loron ne'ebé determina ona, alen de ida nee Deonisio Corte-Real mos hatutan tan katak maske iha difikuldade maibe nia sinte kontente tamba nia hasoru buat ne'ebé foun, ne'e duni nia fiar katak aktividade ne'e hanesan mos parte importante ida ba nia atu aplika buat ne'ebé nia aprende e bele aumenta tan mos nia kapacidade no koñesemento iha á0rea jornalistiku nian.
